ءتىلسىز جاۋ ايتىپ كەلمەيتىنى بەلگىلى. سندىقتان ادام بالاسى كەيدە اجالمەن بەتپە-بەت كەلگەن قۇتقارۋشىلارعا يەك ارتىپ، كومەك سۇرايتىنى بەلگىلى. سوندىقتان توتەنشە جاعدايلار قىزمەتىنىڭ ماماندارى ءاردايىم ساقاداي ساي دايىن بولۋى كەرەك. ورتپەن ارپالىسىپ، تالاي جاننىڭ جانىنا اراشا تۇسكەن ونداي بەيبىت كۇننىڭ باتىرلارى جامبىل وبلىسىندا از ەمەس دەپ جازادى Qamshy.kz اقپارات اگەنتتىگى.  اتاپ ايتساق، ازاماتتىق قورعاۋ سالاسىندا 15 جىلدان استام قىزمەت اتقارعان جامبىل وبلىسى توتەنشە جاعدايلار دەپارتامەنتىنىڭ ءورت ءسوندىرۋ مەكەمەسىنە قاراستى تاراز قالالىق №3 ءورت ءسوندىرۋ ءبولىمىنىڭ اعا ءورت ءسوندىرۋشىسى، ازاماتتىق قورعاۋ سەرجانتى باقىت نيەسبەك ۇلى پارمانقۇلوۆتىڭ ەرلىگىن ەل جاقسى بىلەدى. ول ءوز ماماندىعىن ءسۇيىپ تاڭداعان وت جاۋىنگەرى. قىزمەت اتقارعان جىلدار ىشىندە باقىت تابيعي جانە تەحنوگەندى سيپاتتاعى توتەنشە جاعدايلاردى جويۋعا بەلسەندى قاتىسىپ، قىزىل جالىن مەن ءتۇرلى سيپاتتاعى اپاتتاردان ادام ءومىرى مەن قۇندى مۇلىكتەردى قۇتقارۋ جولىندا وزىنەن كەيىنگىلەرگە ءاردايىم ۇلگى بولىپ، بىلگەن-تۇيگەنىن ولارعا ۇيرەتۋدەن ەشۋقىتتا شارشاعان ەمەس.

باقىت نيەسبەكۇلىمەن وتكەن مىنا ءبىر وقيعا كوپتىڭ كوڭىلىنەن ءالى شىعا قويماعان بولار. 2019 جىلدىڭ 9 ناۋرىزىندا 01 ساعات 17 مينۋتتا كۇشتەر مەن قۇرالداردى جەدەل باسقارۋ ورتالىعىنىڭ تەلەفون نومىرىنە تاراز قالاسى، تىندىبەكوۆ كوشەسى №29 ۇيدە ءورت وقيعاسى ورىن العاندىعى جونىندە حابار كەلىپ تۇسكەن. وقيعا ورنىنا تاراز قالالىق №3 ءورت ءسوندىرۋ ءبولىمىنىڭ كۇشتەرى مەن قۇرالدارى شۇعىل جونەلتىلەدى. ولار وقيعا ورنىنا كەلە جاتقاننا باستاپ بارلاۋ جۇرگىزىپ، جەتكەن سوڭ قىزىل ورتكە ورانعان ءۇي ىشىندە 5 ادامنىڭ قالىپ قويعاندىعىن بىلگەن. بۇل ۋاقىتتا وقيعا ورنىنا №3 ءورت ءسوندىرۋ ءبولىمى باستىعىنىڭ ورىنباسارى، ازاماتتىق قورعاۋ پودپولكوۆنيگى ايدوس قاسقايەۆ كەلىپ جەتىپ، ادامداردى قۇتقارۋ ءۇشىن گاز-تۇتىننەن قورعاۋ قىزمەتىنىڭ 1 بۋىنىن ىشكە كىرگىزەدى. ال اتالعان بۋىننىڭ قۇرامىندا ب.پارمانقۇلوۆ تا بار بولاتىن. ول وزگە ارىپتەستەرىمەن بىرگە كومەيدى بىتەپ، تىنىستى تارىلتاتىن ءارى ىستىق جالىن ىشىنە قويىپ كەتىپ، ەسىكتى بۇزىپ ءۇي ىشىنە كىرىپ، 3 ءجاسوسپىرىم بالا مەن 2 ايەلدى سىرتقا الىپ شىعادى. ءوز كەزەگىندە ولارعا تيىسىنشە دارىگەرگە دەيىنگى كومەك كورسەتىلىپ، ناتيجەسىندە الگى ادامدار ءدىن امان قالادى.

مىنە وسىنداي وت جاۋىنگەرلەرىنىڭ كاسىبي بىلىكتىلىكتەرىن قولدانا وتىرىپ، وزدەرىنىڭ فۋنكسيونالدىق مىندەتتەرىن ساۋاتتى اتقارۋ بارىسىندا ءۇي تۇرعىندارى قۇتقارىلىپ، ءورت دەر ەزىندە جويىلدى.

سونداي-اق 2018 جىلدىڭ ماۋسىم ايىندا جامبىل اۋدانى، بەساعاش اۋىلىنداعى تاۋلى اۋماقتا تابيعي ءورت وقيعاسى ورىن الادى. جەلدىڭ كۇشەيۋ سالدارىنان ءورت ودان ءارى ۋشىعىپ، كولەمدى اۋماققا جايىلىپ، ءورتتى ءسوندىرۋ قيىندىققا تۇسەدى. مىنە وسىنداي قيىندىققا قاراماستان قاراۋىل باستىعىنىڭ تاپسىرماسىمەن ب.پارماقۇلوۆ كۇشتەر مەن قۇرالداردى تيىسىنشە باعىتتاپ، جەكە قۇرام دا تاجىريبەلى تۇردە ءورت ءسوندىرۋ جۇمىستارىمەن اينالىسىپ، ناجيسىندە جايىلعان ءورتتىڭ قىرعىز رەسپۋبليكاسى جەرىنە ءوتىپ كەتۋىنىڭ الدىن الادى.

جوعارىداعىداي كاسىبي شەبەرلىكتەرى مەن يگىلىكتى ىستەرىنە قاراپ باقىت نيەسبەكۇلىنوز ىسىنە شىنايى بەرىلگەن جان دەپ ايتۋعا ابدەن بولادى. ول ءوزىنىڭ قىزمەت جولىندا ءاردايىم ءوزىنىڭ بويىنداعى كاسىبي شەبەرلىگىن شەبەر پايدالانىپ، جولىنداعىنىڭ ءبارىن جالمايتىن قىزىل تاجالمەن كۇرەستە جوعارى دەڭگەيدە قولدانىپ، ءوزىنىڭ قايسارلىعىمەن ۇنەمى الدا كەلەدى. ال ۇجىمداسترى دا ءوز كەزەگىندە باقىتتىڭ ادالدىعى مەن ىسكەرلىك سەكىلدى اسىل قاسيەتتەرىنە ءتانتى بولىپ، تەك مىقتى وت جاۋىنگەرى رەتىندە عانا ەمەس، سونداي-اق دوستىققا ادال جان رەتىندە دە جوعارى باعالايدى.